ಸಂಗೀತ ಕಾರಂಜಿ

ಬೆಂಗಳೂರಿನ ಹನುಮಂತ ನಗರದಲ್ಲಿರುವ ಸಂಗೀತ ಕಾರಂಜಿಗೆ ಬಹಳ ದಿನಗಳ ನಂತರ ಇಂದು ಭೇಟಿ ಕೊಟ್ಟೆ. ಅಂದಿನ ದಿನಗಳಲ್ಲಿ ಒಂದೆರಡು ಹಿಂದೀ ಹಾಡುಗಳು, ಒಂದೆರಡು ಕನ್ನಡ ಹಾಡುಗಳನ್ನು ಅಳವಡಿಸಿರುತ್ತಿದ್ದರು. ಇಂದು ಎಲ್ಲ ಹಾಡುಗಳನ್ನೂ ಕನ್ನಡದಿಂದ ಆಯ್ಕೆಮಾಡಿಕೊಂಡಿದ್ದರು. ಅದರಲ್ಲೂ ವಿಶೇಷವಾಗಿ ಗಮನಸೆಳೆದ ಹಾಡು "ಸ್ವಾಭಿಮಾನದ ನಲ್ಲೆ...". ಇದನ್ನು ಸಂಗೀತ ಕಾರಂಜಿಗೆ ಉತ್ತಮವಾಗಿ ಅಳವಡಿಸಿದ್ದಾರೆ. ಹಾಡನ್ನು ಉತ್ತಮವಾಗಿ ವಾದ್ಯಸಂಗೀತಕ್ಕೆ ಪರಿವರ್ತಿಸಿದ್ದು ಕಾರಂಜಿಗಳು ಉತ್ತಮ ಸಹಕಾರದೊಂದಿಗೆ ನರ್ತಿಸಿದವು. ಹಾಡನ್ನು ಕಾರಂಜಿಗೆ ಅಳವಡಿಸಲು ಶ್ರಮಿಸಿದ ಎಲ್ಲರಿಗೂ ಧನ್ಯವಾದಗಳು.